मा.महासंचालक डाॅ. बाबासाहेब आंबेडकर संशोधन व प्रशिक्षण संस्था बार्टी, पुणे. यांच्या अध्यक्षतेखाली होलार समाज सामाजिक संस्था, पुणे. कार्यक्षेत्र महाराष्ट्र राज्य नोंदणी क्र.३९९/२०१९/पुणे संस्थेचे संस्थापक अध्यक्ष श्री.नामदेवराव श्रीरंग आयवळे व पदाधिकारी व समाजातील उपस्थिती मान्यवर यांच्या समवेत सोमवार दि.14/8/2023 रोजी वंचित होलार समाजाच्या समस्या सोडवण्या संदर्भात तसेच मागण्याबाबत बैठक आयोजित करण्यात आली होती. बार्टी पुणे कार्यालय येथे खालील प्रमाणे मागण्या मंजूर व्हाव्यात अशी विनंती नामदेवराव आयवळे यांनी केली.प्रथम होलार समाजाला बार्टीने विकासाच्या मुळ प्रवाहात आणावे. कारण बार्टीची स्थापना झाल्यापासून आज अखेर होलार समाजाचा एक ही प्रश्न मार्गी लागलेला नाही. आतातरी आमचा अंत पाहू नये, नाही तर विद्रोह होईल, त्याला महासंचालक बार्टी पुणे जबाबदार राहील याची नोंद घ्यावी. तसेच महाराष्ट्रातील वंचित घटकातील होलार समाजाच्या अडचणी खालील प्रमाणे आहेत. सामाजिक, आर्थिक, शैक्षणिक, व जातीच्या चुकीच्या झालेल्या नोंदी त्यामुळे होलार समाजाला जातीचे प्रमाणपत्र व जातीचे वैधता प्रमाणपत्र मिळण्यासाठी होत असलेल्या अडचणी, शैक्षणिक बाबीकडे झालेले दुर्लक्ष व शिक्षणातील गळतीचे प्रमाण, जातीचे अस्तित्व, स्त्रियांचे स्थान, होलार ,होलेर,मांग, धनगर, चांभार, सुतार, या मधील अडचणी विविध शासकीय योजनांची माहितीचा अभाव व उत्पन्नांच्या साधनांचा अभाव, रूढी परंपरांचा पगडा व समाजातील आर्थिक दुर्बल लोकांसाठी ठोस असे उपाययोजना नाहीत. वेळेवर उपचार सरकारी मदत उपलब्ध होत नाही. अत्याचार ग्रस्त समाज बांधवांना योग्य न्याय मिळत नाही, अश्या निर्माण झालेल्या अडचणी या होलार समाजाच्या मुलभुत अडचणी आहेत. या अडचणी सोडविण्यासाठी श्री. नामदेवराव आयवळे यांनी विनंती केली. त्यावेळी मा. महासंचालक बार्टी पुणे यांनी स्वता: मागण्याचे निवेदन पाहिले आणि तात्काळ कार्यवाही करण्याचे आदेश बार्टीचे अधिकारी यांना देण्यात आले. त्याबद्दल महासंचालक यांचे संस्थेच्या वतीने मनःपूर्वक आभारी आहे. तसेच प्रथम सांगली जिल्ह्यातून सुरवात करण्याचे निश्चित झाले आहे. तसेच सांगली जिल्हातील 10 तालुके व 735 गावामध्ये बार्टीचे समतादुत जाऊन होलार समाजाच्या अडचणी जाणून घेऊन त्या सोडविण्यासाठी अपर जिल्हाधिकारी तथा विभाग प्रमुख प्रशिक्षण विभाग बार्टी, पुणे.सहा.आयुक्त समाज कल्याण. व जिल्हा समाज कल्याण अधिकारी (जि.प.) गट विकास अधिकारी,उप विभागीय अधिकारी व तहसीलदार ( महसूल विभाग) यांच्या माध्यमातून सोडविले जाणार आहेत. तसेच या बैठकीला उपस्थित श्री. एल. बी. पारसे साहेब श्री. जगन्नाथ पारसे साहेब श्री.अनिल गुळदगड साहेब श्री. सिताराम ऐवळे साहेब श्री. राजाराम ऐवळे साहेब श्री. सतोष नामदास साहेब सौ. प्रजाली नामदास सौ. प्राजक्ता खांडेकर श्री. बकीराम होलबोले साहेब श्री. विशाल जावीर साहेब सौ.उर्मिला आयवळे पुणे या सर्वांच्या उपस्थितीत बैठक पार पडली. तसेच होलार समाजाच्या अडचणी सोडविण्याच्या दिशेने वाटचाल सुरू होईल असे संस्थेचे सचिव अर्जुन खांडेकर यांनी जाहीर केले आहे‌.आपला विश्वासू, तुमच्या आमच्या हक्काचा माणूस. नामदेवराव श्रीरंग आयवळे पुणे संपर्क 9764969074

महत्वाची माहिती